«Ժողովո՛ւրդ ջան, վիճակը շատ ավելի լուրջ է, քան կարող է առաջին հայացքից թվալ։ Այսպիսի մի օրինակ բերեմ և հիշեցնեմ ձեզ. հինգ տարի առաջ որևէ մեկի մտքով անցնո՞ւմ էր, որ Հայաստանում իշխանությունը կարող է ուղղակի հարձակվել եկեղեցու վրա։ Ո՛չ։ Որևէ մեկի մտքով անցնո՞ւմ էր, որ մեր ինքնության դեմ կարող է լինել այսպիսի հարձակում, որ Արարատը հնարավոր է «կռվացնել» Արագածի հետ։ Երևի ոչ մեկի մտքով չէր անցնում, ճիշտ է, բայց նշանները կային։ 2019 թվականին փակվեց մշակույթի նախարարությունը, մենք պետք է մեզ հարց տայինք՝ ինչի՞ համար են փակում։ Հիմա պարզվեց՝ փակում են, որ մեր ինքնությունը հարվածի տակ դնեն. պարզ է, չէ՞, վիճակը։ Հինգ տարի առաջ փակվեց սփյուռքի նախարարությունը. այն ժամանակ չենք մտածել, թե սա ինչի համար է արվում։ Հիմա մենք տեսնում ենք՝ անում են ամեն ինչ սփյուռքը Հայաստանից օտարելու համար։ Փակել են գյուղնախարարությունը, և տեսնում ենք՝ ինչ է կատարվում գյուղական վայրերում. բոլոր ցուցանիշներով անկում է ապրում գյուղը, գյուղատնտեսությունը։ Միգուցե տեղ պիտի ազատեն 300 000 ադրբեջանցիների համար»,— այս մասին Թալինում «Հայաստան» դաշինքի քարոզարշավի ժամանակ ասաց դաշինքի առաջնորդ ՀՀ երկրորդ նախագահ Ռոբերտ Քոչարյանը։
Մանրամասն՝ տեսանյութում։
