Նիդեռլանդները 2026 թվականին 234 միլիոն եվրոյի չափով ոչ ռազմական օգնություն կհատկացնի Ուկրաինային։
«Արմենպրես»-ի հաղորդմամբ՝ ինչպես փոխանցում է ՌԻԱ Նովոստին, այս մասին նշվում է Նիդեռլանդների կառավարության հայտարարության մեջ։
«Նիդեռլանդները, իր ԵՄ և ՆԱՏՕ-ի գործընկերների հետ միասին, շարունակում է աջակցել Ուկրաինային։ Ոչ ռազմական աջակցության համար Ուկրաինային 2026 թվականին կհատկացվի նախկինում հայտարարված օգնության փաթեթներից 234 միլիոն եվրո, այդ թվում՝ կարևորագույն ենթակառուցվածքների վերականգնման, գյուղատնտեսության և առողջապահության համար», — ասվում է կառավարության հայտարարության մեջ։
Նշվում է, որ այս գումարից 20 միլիոն եվրո կհատկացվի ականազերծմանը, արդարադատության և ժողովրդավարական ինստիտուտների աջակցությանը, ինչպես նաև մշակութային ժառանգության վերականգնմանը։
