Այսօր՝ մայիսի 6-ին, խորհրդարանը քննարկում է ԱԺ ընդդիմադիր խմբակցությունների ներկայացրած, ՔՊ-ական պատգամավոր Անդրանիկ Քոչարյանի վարքագծի վերաբերյալ պատգամավորական էթիկայի հարցերով հանձնաժողով ստեղծելու մասին որոշման նախագիծը: Հիմնական զեկուցողը Թագուհի Թովմասյանն է:
Նա ներկայացրեց ընդդիմադիր երկու խմբակցությունների՝ «Պատիվ ունեմ»-ի և «Հայաստանի» հիմնավորումն այն մասին, որ այս անհրաժեշտությունն առաջացել է մարտի 20-ին ԱԺ միջանցքում ցուցաբերած Անդրանիկ Քոչարյանի վարքը քննելու համար, քանի որ պատգամավորը լրագրող Հռիփսիմե Ջեբեջյանի նկատմամբ ցուցաբարել է ակնհայտ անհարգալից վերաբերմունք։
Պատգամավորը նաև հիշեցրեց Պետական-իրավական հարցերի մշտական հանձնաժողովում ՔՊ-ական պատգամավոր Արուսյակ Ջուլհակյանի տեսակետն այս հարցի վերաբերյալ, որ՝ «մենք ոչ մի դեպքով չենք ստեղծել էթիկայի հանձնաժողով, մեջների կյաժը պարոն Քոչարյանը չի»։
«Իշխող խմբակցությունը համարում է, որ Անդրանիկ Քոչարյանը խախտել է պատգամավորի էթիկայի վարքականոնը, բայց միաժամանակ, քանի որ մազերի գույնը կյաժ չէ, հետևաբար չեն ստեղծելու այդ էթիկայի հանձնաժողովը»,- ասաց Թովմասյանը։
Մանրամասն՝ տեսանյութում։
