Ի դեպ, այսօր Նիկոլ Փաշինյանը աշխատանքային այցով մեկնել է Եգիպտոսի արաբական հանրապետություն, որտեղ հերթական անգամ հանդիպել է Իլհամ Ալիևի հետ։ Նրանք կարծեք առիթը բաց չեն թողնում միմյանց ոտքի վրա հանդիպելու համար։
Այս հանդիպումը ևս, ի թիվս այլ հանդիպումների, ոչնչով չառանձնացվեց՝ Փաշինյանն ու Ալիևը կանգնած ջերմ զրուցում էին Պակիստանի նախագահի հետ։ Որպես հիշեցում՝ Պակիստանը Ադրբեջանի գլխավոր ռազմավարական գործընկերներից մեկն է։
Երբեմն կարող է թվալ թե այսպիսի հանդիպումները ոչ մի կարևորություն չունեն։ Սակայն հիշեցնենք, որ Հայաստանի դիվանագիտական, ռազմական ձախողումները սկսեցին Դուշանբեում Փաշինյան-Ալիևի ոտքի վրա հանդիպումից։ Մինչ օրս կարևոր չբացահայտված հարց է մնում՝ վերելակային դիվանագիտության մանրամասները, որից հետո այսքան աղետ եկավ Հայաստանի գլխին։
Հարց է առաջանում․ այսօրվա, մեկ շաբաթ առաջվա, մեկ ամիս առաջվա ոտքի վրա խոսելու արդյունքները ե՞րբ է հայ ժողովուրդը իր մաշկի զգալու, և արդյոք կրկին աղետների՞ տեսքով են լինելու, թե՞ այսպես ասած աննախադեպ խաղաղության։
Մանրամասն՝ տեսանյութում։
