Ի դեպ, այսօր՝ նոյեմբերի 18-ին, Ազգային ժողովում բյուջեի քննարկման ժամանակ ֆինանսների նախարար Վահե Հովհաննիսյանը հայտարարեց, թե իրենք ամեն տարի նվազեցրել են աղքատությունը։
Իհարկե, ինչպես բնորոշ է ՔՊ-ական պաշտոնյաներին, մեղմ ասած, մանիպուլացրեց։
Աղքատության ցուցանիշը Հայաստանում 2018 թվականին եղել է 23,5 տոկոս։ 2019-2023թթ․ ոչ միայն չի նվազել, այլ հակառակը՝ բարձրացել է՝ հասնելով մինչև 27 տոկոսի, հետո իջնելով մինչև 23․7 տոկոս։
2024-ին, այո, աղքատության ցուցանիշը նվազել է՝ կազմելով 21․7 տոկոս, այսինքն՝ 2018-ի համեմատ նվազելով 1,8 տոկոսով։ Իսկ որքա՞ն էր խոստացել ՔՊ-ական իշխանությունը նվազեցնել։ Ուշադրություն, խոստացել էր մինչև 2023 թվականը աղքատությունը նվազեցնել 10 տոկոսով։ Բայց 8 տարում նվազումը կազմել է 1․8 տոկոս։




