Հուլիսի 31-ին Երևանի ընդհանուր իրավասությունների դատարանի Կենտրոն-Նորք Մարաշ նստավայրում հերթական դատական նիստն էր ԱԺ «Հայաստան» խմբակցության պատգամավոր Լևոն Քոչարյանի՝ կարմիր բերետավորներին իբր ծեծի ենթարկելու գործով։ Հարցաքննվում էր վկա ոստիկանը՝ Ոստիկանության Երևան քաղաքի վարչության հատուկ նշանակության գումարտակի ծառայող Սասուն Ստեփանյանը։

Ամբողջ հարցաքննության ժամանակ վկա ոստիկանի ամենաշատ արտահայտած միտքը հետևյալն էր՝ «չեմ հիշում»։

Ոստիկանին Լևոն Քոչարյանը հարցրեց, թե միմյանց ճանաչե՞լ են նախկինում, թշնամանք ունի՞ իր նկատմամբ։ Բացասական պատասխանից հետո հարցրեց․ «Իսկ ո՞րն է պատճառը, որ ինձ նստեցնում են մեքենան, պտտվում-սկսում ես ինձ հարվածել: Ես հարցնում եմ նախ որպես տղամարդ, հետո որպես ոստիկանի»:

Դատարանը կոչ արեց Լևոն Քոչարյանին վկային դիմել «դուք»-ով։ Լևոն Քոչարյանն արձագանքեց․ «Պատվարժան դատարան, ես չգիտեմ՝ Դուք ոնց կվերաբերեք մեկին, ով ձեզ հարվածում է ընկած ժամանակ, ես չեմ պատրաստվում իրեն «դուք»-ով դիմել։ Ինքը կոնկրետ շատ սխալ ու վատ է պահել իմ հետ կապված, ու մինչև հիմա ես այդ հարցի պատասխանը չունեմ թե ինչու»։

Մանրամասն՝ տեսանյութում։