«Երկրի փաստացի վարչապետի աթոռը զբաղեցնող մարդը ամբիոնից ինչո՞ւ է ասում՝ «կզցնելու եմ, նստացնելու եմ, ունեզրկելու եմ»։

Ես էլ եմ փորձում այդ հարցի պատասխանը գտնել, որովհետև սա ոչ մի նորմալ տրամաբանության մեջ, ժողովրդավար երկրի տրամաբանության մեջ չի տեղավորվում։ Երևի թե մտածում է, որ այդ խոսքն ունի սպառում, ունի ընկալում իր ընտրազանգվածի որոշակի հատվածի մոտ, այսինքն՝ նրանց սրտով է դա, ու դրա համար դա ասում է։

Ինքը թքած ունի, որ իրավական առումով այդ իր խոսքերը հետագայում այս իրավական գործընթացներով և Եվրոպական դատարանի վեճերում լուրջ գործիք են լինելու մեր ձեռքում՝ ցույց տալու, որ սա քաղաքական հետապնդում է՝ ամենաուղիղ ձևով։

Բայց ինքը թքած ունի այդ ամենի վրա։ Ինքը հիմնականում այդպես է գործում։ Այդ պահին խնդիր լուծելու համար, այդ պահին պետք է սա ասել՝ ինքը կասի, թքած ունի հետո Հայաստանը դրա պատճառով ինչ-որ մաս կկորցնի, ժողովրդավարությունը կտուժի, վատ զեկույցներ կլինեն, տնտեսությունը կտուժի»,- այս մասին այսօր՝ օգոստոսի 26-ին, լրագրողների հետ զրույցում հայտարարեց ԱԺ «Հայաստան» պատգամավոր Լևոն Քոչարյանը։

Մանրամասն՝ տեսանյութում։