«Գործը միանշանակ քաղաքական է, այստեղ երկրորդ կարծիք լինել չի կարող։ Իմիջիայլոց, այն հանգամանքները, որոնք նշել են այս չակերտների մեջ քրեական գործում, ոչ մի նոր բան չկա։ Այսինքն՝ 2018 թ–ից գործ կար հարուցված, էլի անհեթեթ պատճառաբանություններով, ու ըստ էության` ոչ մի նոր բան չի բացահայտվել, այսինքն ` էն, ինչ կա` կա, եղել ա, չի թաքցվել, բայց եղել ա քաղաքական հրահանգ։

Նաև նախընտրական շրջանում է Նիկոլ Փաշինյանի կողմից եղել այդ հրահանգը, և վերջերս նաև Ազգային ժողովում։ Այնպես որ՝ քաղաքական հրահանգի հերթական քաղաքական գործն է, շինծու գործն է։

Մեր ելույթի անմիջապես հաջորդ օրը տեղի ունեցավ այս գործընթացը։ Ի՞նչ ասեմ։ Գիտեք, կարծում եմ՝ բոլորն էլ տեսել են։ Ես չեմ պատկերացնում՝ ոնց են ամենաբարձր մակարդակով օրենք ընդունում ԵՄ գնալու հետ կապված, խոսում են, որ կուրսը դեպի Եվրամիություն է, բայց երկրի ղեկավարի աթոռը զբաղեցնող մարդը՝ վարչապետը, կանգնում է, ասում է՝ «սա պետք է նստի, մեկը պետք է ունեզրկվի»։ Չի տեղավորվում սա ոչ մի կերպ ժողովրդավարական սկզբունքների մեջ»,- այս մասին այսօր՝ օգոստոսի 25-ին, Հակակոռուպցիոն դատարանի բակում լրագրողների հետ զրույցում հայտարարեց ԱԺ «Հայաստան» խմբակցության պատգամավոր Լևոն Քոչարյանը։

Մանրամասն՝ տեսանյութում։