Այս մասին սոցիալական ցանցերում հայտարարել է ԱՄՆ-ի Կենտրոնական հրամանատարությունը։ Միաժամանակ իրանական աղբյուրները հայտնում են երկրի տարբեր շրջաններում տեղի ունեցած պայթյունների մասին։ Ինչպես հաղորդում է BBCnews-ը՝ Դոնալդ Թրամփը հայտարարել էր, որ այլևս իմաստ չի տեսնում Իրանի հետ խաղաղ բանակցությունները շարունակելու մեջ։ Նա Իրանի ղեկավարությանը անվանել էր «ստախոսներ» և «սրիկաներ» և ասել, որ ԱՄՆ-ը, հավանաբար, արդեն այս երեկո նոր հարվածներ կհասցնի Իրանին։

Կենտրոնական հրամանատարությունը X սոցիալական ցանցում հրապարակած գրառման մեջ նշել է, որ հարվածների նոր ալիքի հիմնական նպատակը Իրանին՝ Հորմուզի նեղուցը փակելու կամ այնտեղ նավարկությունը խոչընդոտելու հնարավորությունից զրկելն է։