Մեր հայցն ու աղոթքն ենք առ Աստված բարձրացնում, որ Տերը մշտապես օգնական ու պահապան լինի ազգիս հայոց, ի Հայաստան, ի Սփյուռս։ Այս մասին այսօր՝ ապրիլի 24–ին, Ծիծեռնակաբերդի հուշահամալիրում Հայոց Ցեղասպանության սուրբ նահատակների բարեխոսական կարգից հետո լրագրողներին ասաց Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը։
Վեհափառը շարունակեց. «Մենք աղոթք բարձրացրեցինք առ Աստված՝ հայցելով, որ Տերը իր շնորհը, խաղաղությունը, սերը հղի մեր ժողովրդի կյանքին, որպեսզի հայոց ազգը սիրով, միաբան, համերաշխ և ոգով աննկուն դիմագրավի իր կյանքի բոլոր փորձությունները, մեր հայրերի լույս պատվիրաններով ու պատգամներով կերտի իր բարեշեն, առաջընթաց ու հզոր կյանքը խաղաղության և անվտանգության պայմաններում»։
Մանրամասն՝ տեսանյութում։
