Բելառուսում արգելվել է հայկական «ԱՐԱՄԵ» յոթ տարվա հնեցմամբ կոնյակի վաճառքը։ Այս մասին ԶԼՄ-ների փոխանցմամբ՝ հայտնում է Բելառուսի Պետական ստանդարտացման կոմիտեն։
Փորձաքննության արդյունքում պարզվել է, որ արտադրողների կողմից բարձրորակ արտադրանք ներկայացված խմիչքներն իրականում չեն համապատասխանում կոնյակի որակական պահանջներին։ Ըստ փորձաքննության՝ շշերի պարունակությունը կոնյակի տեսք է ունեցել միայն արտաքինից։
Նշված արտադրանքները չեն համապատասխանում Մաքսային միության՝ սննդամթերքի անվտանգության, մակնշման և կոնյակին ներկայացվող ընդհանուր տեխնիկական բնութագրերի վերաբերյալ տեխնիկական կանոնակարգերի պահանջներին։
Հհոկտեմբերի 31-ից Բելառուսում արգելվում են երկու խմիչքների ներմուծումն ու շրջանառությունը։
Բացի այդ, հայկական «ԱՐԱՄԵ» կոնյակի համապատասխանության գնահատման փաստաթղթերի գործողությունը դադարեցվել է։
