«Պարոն Հասանով, մենք, ի վերջո, Ազգային ժողովի կանոնակարգ սահմանադրական օրենքի կարգավորումների հիման վրա ենք, կարծես, առաջին նստաշրջանի անցկացումը մեկնարկում։ Համաձայն նշված կարգավորման՝ առաջին նստաշրջանի բացման առթիվ ողջույնի ելույթի իրավունք ունեն Հանրապետության նախագահը և Ամենայն Հայոց Կաթողիկոսը։ Մեր խմբակցության կողմից նշված հարցը բարձրաձայնվեց։ Հիմա դուք նիստը նախագահողն եք, տարիքով ավագն եք։ Ձեր խոսքում հիշատակեցիք վեցերորդ, յոթերորդ, ութերորդ գումարման Ազգային ժողովների առաջին նստաշրջանի նիստերը, որտեղ Վեհափառ Հայրապետը ներկա է եղել։ Հիմա այստեղ հարց է առաջանում՝ ինչի՞ համար նշված իրավունքը չի իրացվել։ Կարծում եմ՝ դուք, որպես նիստը նախագահող, տարիքով ավագ, վեցերորդ, յոթերորդ, ութերորդ և իններորդ գումարման Ազգային ժողովի առաջին նիստերը նախագահող, պարզաբանում տվեք՝ ինչի՞ համար Ամենայն Հայոց Կաթողիկոսի իրավունքը չի իրացվել»,- ԱԺ իններորդ գումարման առաջին նիստը նախագահող Կնյազ Հասանովին այս հարցն է ուղղել «Ուժեղ Հայաստան» խմբակցության պատգամավոր Արամ Վարդևանյանը։
Մանրամասն՝ տեսանյութում։
