Աղմկահարույց գործերով հայտնի քննիչը կալանավորվել է

15 Սեպտեմբերի, 2025

Դեռ նախորդ տարի լրատվամիջոցները գրել էին, որ աղմկահարույց գործերից հայտնի ՀՔԾ քննիչը ոչ սթափ վիճակում մահացու վթարի մեղավոր է դարձել։

ՀՔԾ նախկին քննիչ, «Մարտի 1»-ի քննչական խմբի նախկին ղեկավար Հրաչյա Մուշեղյանը կալանավորվել է։ Sputnik Արմենիայի հետ զրույցում տեղեկությունը հայտնեց ՀՀ քրեական դատարանի խոսնակ Լիանա Ռաֆայելյանը։

«Մուշեղյանը կալանավորվել է ավտովթարի գործով»,- նշեց Ռաֆայելյանը։

Նշենք, որ դեռ նախորդ տարի ԶԼՄ-ները գրել էին, որ 2024 թվականի օգոստոսի 12-ին Կոմիտասում տեղի ունեցած մահվան ելքով ավտովթարի հեղինակը նախկին ՀՔԾ քննիչ, ներկայում փաստաբանական գործունեությամբ զբաղվող Հրաչյա Մուշեղյանն է, որը ղեկին է եղել ոչ սթափ վիճակում։ Ըստ «Դատալեքսի»՝ Փափազյան փողոցի կողմից դեպի Վրացական փողոց տանող ուղեմասով երթևեկելիս Մուշեղյանն իր վարած ավտոմեքենայով դուրս է եկել հանդիպակաց երթևեկելի ուղեմաս ու բախվել Անդրանիկ Լևոնի Առաքելյանի վարած «Volkswagen Golf» մակնիշի ավտոմեքենային։ Վարորդը վթարի հետևանքով ստացած վնասվածքներից մահացել է, իսկ ուղևորը՝ ծանր վնասվածքներ ստացել։

«Փաստինֆոն» հիշեցնում է, որ Մուշեղյանը եղել է «Մարտի 1-ի» գործով ՀՀ երկրորդ նախագահ Ռոբերտ Քոչարյանին և մյուսներին մեղադրանք ներկայացրած քննիչը, ինչից անմիջապես հետո նշանակվել է ՀՔԾ Կոռուպցիոն, կազմակերպված և պաշտոնեական հանցագործությունների քննության վարչության պետի տեղակալ։ Մուշեղյանը պաշտոնից ազատվել էր պատերազմից հետո, ապա վերադարձել՝ նշանակվելով Հակակոռուպցիոն կոմիտեի կազմակերպված և պաշտոնեական հանցագործությունների քննության վարչության պետի պաշտոնում։ Նշված պաշտոնից ազատվելուց հետո փաստաբանական գործունեություն է իրականացնում։ Նշենք, որ Մուշեղյանը եղել է նաև ՀՀ երրորդ նախագահ Սերժ Սարգսյանին մեղադրանք ներկայացնող քննիչը։

 

Նմանատիպ նյութեր

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է հայ-ռուսական աշխատանքային խմբի առաջին նիստը. «Սպուտնիկ Արմենիա»

Երևանում մեկնարկել է ՀԿԵ-ի (Ռուսական երկաթուղիների դուստր ընկերություն) կոնցեսիայում գտնվող հայկական երկաթուղու գործունեության հարցերը քննարկելու նպատակով հայ–ռուսական աշխատանքային խմբի առաջին հանդիպումը, հաղորդում է Սպուտնիկ Արմենիան։Երկու երկրների ներկայացուցիչների...

Բանտերը լցված են քաղաքական հալածանքի ենթարկվող մեր քաղաքացիներով․ Լիլիթ Գալստյան

«Ինչպես գիտեք, երեկ Հայաստանի Ազգային ժողովում տեղի ունեցան «Հայաստան» խմբակցության նախաձեռնած լսումները, որոնց միացել էր նաև «Ուժեղ Հայաստան» խմբակցությունը։ Լսումները վերաբերում էին Հայաստանում ժողովրդավարության հետընթացին, ինչպես նաև...

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

Քննարկվել են Հայաստան-ՆԱՏՕ գործընկերության զարգացման հարցերը. ԱԳՄԱՆ

ՀՀ արտաքին գործերի և միջազգային առևտրի նախարար Արարատ Միրզոյանը հանդիպում է ունեցել Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Քևին Հեմիլթոնի հետ։ Զրուցակիցները քննարկել են Հայաստան-ՆԱՏՕ գործընկերության զարգացման հարցեր, այդ թվում՝...

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

Ստուբը կոչ է արել ԵՄ երկրների առաջնորդներին ուղիղ բանակցություններ վարել Պուտինի հետ

«Չափազանց երկար ժամանակ մենք Ռուսաստանի հետ երկխոսության վարումը փոխանցել ենք ուրիշներին, ինչը, իմ կարծիքով, անպատասխանատու է», - հայտարարել է Ֆինլանդիայի նախագահը։ Այս մասին գրում է Ռիա նովոստին: Ֆինլանդիայի նախագահ Ալեքսանդր Ստուբը կոչ է արել Եվրամիության երկրների...

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահը հրաժարական է տվել կոռուպցիոն սկանդալի ֆոնին

Մոնղոլիայի նախագահ Ուխնաագիյն Խուրելսուխը հայտարարել է հրաժարականի մասին։ Որոշումը հաջորդել է պետական երկաթուղային ծրագրի շուրջ ծագած կոռուպցիոն սկանդալին և ընդդիմության՝ նրա հրաժարականի պահանջին։ Նախագահը հերքել է մեղադրանքները, բայց նոյեմբերի 17-ին հայտարարել է...