Պուտինը կոչ է արել ուկրաինացիներին միանալ Ռուսաստանին՝ «պատմության ճիշտ կողմում լինելու համար»։ Հայտնում է Ռիա Նովոստին։
Ռուսաստանի նախագահ Վլադիմիր Պուտինը կոչ է արել ուկրաինացիներին, չնայած այսօրվա ողբերգություններին, մտածել ապագայի մասին և Ռուսաստանի հետ միավորել ջանքերը։
«Անցե՛ք մեր կողմը, որովհետև դա մեր ընդհանուր կողմն է»,- ասել է Պուտինը՝ կոչ անելով միասին լինել պատմության ճիշտ կողմում։
Այս մասին ՌԴ նախագահը խոսել է ռեժիսոր Էմիր Կուստուրիցային տված հարցազրույցում, որը ներառվել է Առաջին ալիքի՝ Կիրիլ պատրիարքի 80-ամյակին նվիրված ֆիլմում։ Պուտինը ներկայիս հակամարտությունը կապել է Ռուսաստանի նկատմամբ վերահսկողություն հաստատելու արտաքին ուժերի փորձերի հետ։






