Ռուսաստանի և ԱՄՆ-ի նախագահներ Վլադիմիր Պուտինն ու Դոնալդ Թրամփը տրամադրված են ուկրաինական հակամարտության խաղաղ կարգավորմանը։ Այս մասին հայտարարել է ՌԴ նախագահի հատուկ ներկայացուցիչ, Ռուսաստանի ուղղակի ներդրումների հիմնադրամի (ՌՈՒՆՀ) ղեկավար Կիրիլ Դմիտրիևը՝ Չինաստանի Շենժեն քաղաքում ԱԽՏԳ գագաթնաժողովի շրջանակում կայացած ռուս-ամերիկյան գագաթնաժողովի արդյունքներով։ Այս մասին գրում է kommersant-ը:
«Անկասկած, շատ կարևոր է նախագահ Պուտինի և նախագահ Թրամփի երկխոսությունը։ Նրանք երկուսն էլ տրամադրված են ուկրաինական հակամարտության խաղաղ կարգավորմանը», — «Վեստի» լրատվական ծառայությանը տված հարցազրույցում ասել է Կիրիլ Դմիտրիևը։
«Հասկանալի է, որ բազմաթիվ ուժեր փորձում են խոչընդոտել դրան։ Սակայն այս երկխոսությունը շատ կարևոր է, և ամբողջ աշխարհը հետևում է դրան», — հավելել է նա։
Վլադիմիր Պուտինի և Դոնալդ Թրամփի հանդիպումը տևել է 40 րոպե։
ՌԴ նախագահի օգնական Յուրի Ուշակովի խոսքով՝ երկու երկրների ղեկավարները քննարկել են Ուկրաինայում հակամարտությունը, երկկողմ հարաբերությունները, ինչպես նաև Չինաստանի նախագահ Սի Ծինփինի մասնակցությամբ նախատեսված եռակողմ հանդիպումը, որը տեղի կունենա այսօր ավելի ուշ։





