«Փաստորեն, Հայաստանի Հանրապետության գործադիր իշխանությունից, քաղաքական իշխանությունից ավելի զորեղ ուժ կա։ Դա Ավետիք Չալաբյանն է, որը կարողանում է խոսել և Հայաստանի համար տնտեսական սանկցիաներ բերել։
Այսինքն՝ դուք ուզում եք ասել՝ Նիկոլ Փաշինյանը, ով ասում է, որ Ռուսաստանի Դաշնության հետ ամենաֆանտաստիկ հարաբերությունները 30 տարվա ընթացքում մենակ ինքն է ապահովել, այսինքն՝ ինքը նույնիսկ Լևոն Տեր-Պետրոսյան–Ելցին հարաբերություններից ավելի բարձր նշաձող է սահմանել, ու այդ հարաբերությունների մեջ սեպ է կարողանում խրել մի քրեական գործով՝ մի դրվագի պատճառով։
Այն էլ՝ անմեղության կանխավարկածը չհաղթահարած, այն էլ՝ տևական ժամանակ կալանքի պայմաններում, բայց այսօր կալանքը վերացված իրավիճակում։
Չէ՛, սա, հարգելի՛ գործընկերներ, սա, կարծում եմ, առնվազն լուրջ չէ։
Որովհետև ես հիշում եմ՝ դուք նախընտրական քարոզարշավի ընթացքում հստակ մեր հայրենակիցներին խոստում էիք տվել, ասել էիք՝ եթե դուք ընտրվում եք, յոթ օրում այդ խնդիրը լուծում եք։
Հիմա այդ յոթ օրում այդ խնդիրը չլուծելու խոչընդոտը այսօր Շենգավիթի նստավայրում քննվող քրեական վարո՞ւյթն է»,- այս մասին այսօր՝ օգոստոսի 21-ին, հայտարարեց ԱԺ «Ուժեղ Հայաստան» կուսակցության պատգամավոր Արամ Վարդևանյանը։
Մանրամասն՝ տեսանյութում։
