20 րոպե խոսեցիք ամեն ինչի մասին, բացի մամուլում քննարկվող թիվ մեկ թեմայից։ Այս մասին այսօր՝ օգոստոսի 3-ին, հայտարարեց ԱԺ «Հայաստան» խմբակցության պատգամավոր Ագնեսա Խամոյանը՝ դիմելով ԱԺ ՔՊ-ական փոխնախագահի թեկնածու Հայկ Կոնջորյանին։
«Ձեզ ուղիղ տեքստով, փաստերով մեղադրում են քաղաքական կոռուպցիայի մեջ։
Պարոն Կոնջորյան, քանի որ դուք պերճախոսության մեծ վարպետ եք, ես առաջարկում եմ նաև մեր լրագրողների համար, որովհետև տեսա, որ այս երկու օրվա ընթացքում շարունակ փորձում են ձեզանից մեկնաբանություն ստանալ, բայց ապարդյուն։
Կարո՞ղ եք, ի վերջո, մեզ պատմել, թե ինչպես է ձեր կինը 2024 թվականի նոյեմբերին նշանակվել «Հայփոստի» տնօրեն։
Մեր հայրենակիցների համար հիշեցնեմ, որ այն ամբողջությամբ պետական ընկերություն է։ Ձեր տիկինը ստանում է տարեկան 118 հազար դոլար աշխատավարձ՝ ամսական 3,6 միլիոն դրամ։ Համեմատության համար ասեմ, որ Հանրապետության նախագահը ստանում է, եթե չեմ սխալվում, 1,5 միլիոն, Հայաստանի Հանրապետության վարչապետը՝ 1,6 միլիոն։ Այսինքն՝ կրկնակիից ավելի շատ է ստանում»,- նշեց նա։
Մանրամասն՝ տեսանյութում։
