«Առկա փաստերը հիմք են տալի պնդելու, որ այն դեպքում, եթե դատարանն ամբողջությամբ անվավեր չճանաչի ընտրության արդյունքները, առնվազն պետք է կայացնի անվավեր ճանաչելու և մանդատների վերաբաշխման որոշում։ ԿԸՀ-ն ոչ թե սխալ է հաշվել ԲՀԿ-ի ստացած ձայները, այլ սխալ է փոխանցվել աղյուսակին։ Սա ֆունդամենտալ խնդիր է. մի բան է, երբ մենք հաշվարկի ժամանակ ընտրատեղամասում սխալ ենք հաշվում, դրա գործիքը վերահաշվարկն է, մի բան է, որ ճիշտ հաշվել են, արձանագրությունը ճիշտ գրել են, ԿԸՀ-ն չի կարողանում այդ թվերն ինչ-որ ձևով մուտք անել: ՍԴ-ն՝ որպես ժողովրդի ներկայացուցիչ, պարտավոր է վերականգնել սահմանադրականությունն ու իրավասու է հաստատել արդարությունը։ Ժողովրդի կամքն այն էր, որ ԲՀԿ-ն անցնի խորհրդարան։ Հենց ինքը՝ ԿԸՀ նախագահն է ընդունում, որ եթե չչեղարկեր այդ երկու տեղամասերի ընտրության արդյունքները, ԲՀԿ-ն անցած կլիներ»,- այս մասին ՍԴ-ի ամփոփիչ ելույթում ելույթում նշեց ՍԴ-ում ԲՀԿ ներկայացուցիչ, փաստաբան Արամ Օրբելյանը։
Մանրամասն՝ տեսանյութում։
