Մեր խաղաղության բանաձևը ուժեղ դիվանագիտությունն է։ Այս մասին այսօր՝ մայիսի 22-ին, հայտարարեց «Ուժեղ Հայաստան» կուսակցության առաջնորդ Սամվել Կարապետյանը։
«Վերականգնել մեր հարաբերությունները մեր դաշնակից երկրների հետ, ուժեղացնել մեր հարաբերությունները մյուս գերտերությունների հետ։ Մենք ուրիշ ձև չունենք։ Նորից եմ ասում՝ մենք փոքր երկիր ենք, պետք է ունենանք վստահելի հարաբերություններ, մարդիկ պետք է մեզ վստահեն։ Սրանց այս խարդավանքներով ամեն օր թռնում են մի կողմ, մյուս կողմ մի նպատակի համար՝ իշխանությունը պահեն և Ալիևի նառատիվները Հայաստան մտցնեն։ Սա փորձանք է բերելու մեր երկրի գլխին, և ես վստահ եմ՝ շատ շուտով մենք ձեզ հետ կտեսնենք դա։ Ինչ էլ ինքը ասի, մենք ուժեղացնելով մեր բանակը՝ ստեղծելու ենք ժամանակակից, ճիշտ բանակ,ա րժանապատիվ ծառայություն է լինելու, բոլոր մեր ծառայողները աշխատավարձ են ստանալու, բարձրացնելու ենք բանակի իմիջը, որ մարդիկ հպարտությամբ գնան ծառայելու, որ դա դառնա պարծանքի միջոց, ոչ թե փախնեն երկրից, որպեսզի երեխաները չծառայեն բանակում։ Բայց ամենագլխավորը լինելու է ճիշտ դիվանագիտությունը՝ սկզբնական փուլում»,- նշեց նա։
Մանրամասն՝ տեսանյութում։
