«Պատկերացրեք ձեր ընտանիքում կամ հարևանի ընտանիքում մի իրավիճակ։ Երեխան դպրոցից գալիս է, ասում են՝ «Ի՞նչ ես ստացել»։ Ուրախ-ուրախ ասում է՝ «Պապա ջան, մեկ»։ Պապան էլ ասում է՝ «Ապրե՛ս, տղաս, ինչ լավն ես», մի հատ էլ համբուրում է, մի հատ էլ շոկոլադ տալիս։
Հաջորդ օրը այդ երեխան դպրոց գնալուց ձգտելո՞ւ է հինգ ստանալ։ Իհարկե ոչ։ Առավելագույնը՝ երկու։ Հիմա մենք ի՞նչ վիճակ ունենք Հայաստանում։ 2018 թվականին ընտրություն եղավ, Նիկոլ Փաշինյանը դարձավ վարչապետ։ Խոստումներ տվեց, բայց ամբողջությամբ ձախողվեց։ Պատերազմ, կորուստներ, զոհեր և այլն։
Եկավ 2021 թվականը, ու ժողովուրդն ասաց՝ «Ապրե՛ս»։ Թեկուզ հարիֆ ես, բայց ապրե՛ս։ Փաստացի հենց սա տեղի ունեցավ։ Որովհետև ընտրության արդյունքը գնահատական է տվյալ մարդու աշխատանքին»,- այս մասին այսօր՝ մայիսի 13-ին, Արթիկում քաղաքացիների հետ հանդիպման ընթացքում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։
Նա նաև նշեց․
«Եթե 2026 թվականին Նիկոլ Փաշինյանը նորից ընտրվի, մեր ապագան Արևմտյան Ադրբեջանն է։ Սյունիքի ապագայի վրա շատ մեծ հարցական է լինելու՝ կմնա՞, թե՞ ոչ։
«Խաղաղությունը», որը փորձում են վաճառել մեզ, խաղաղություն չէ։ Դա խաղաղություն է այնքան ժամանակ, ինչքան ժամանակ Ալիևը համարի, որ իրեն հարմար է այս խաղաղությունը։
Մենք սա մերժում ենք։ Չենք կարող համաձայնվել սրա հետ։ Հոյսով ենք, որ ժողովուրդը արդեն երրորդ ցիկլով հասկացել է, թե ում հետ գործ ունենք։
Եթե Հայաստանի վարչապետը թուրքական գործակալ լիներ, կանի ճիշտ այն, ինչ արվում է այսօր։ Երբեմն նույնիսկ մտածում եմ՝ էլ ի՞նչ վատ բան կարող էր անել, որ չի արել։ Ֆանտազիաս չի հերիքում։ Ինչ հնարավոր էր անել, այս մարդը արեց»։
Մանրամասն՝ տեսանյութում։
