Միացյալ Նահանգները վճռականորեն դատապարտում է Նախիջեւանի դեմ գրոհը դրոններով։ Այս մասին նշվել է պետդեպարտամենտի հայտարարությունում։
«Միացյալ Նահանգները վճռականորեն դատապարտում է մարտի 5-ին դրոններով իրականացված չարտոնված գրոհը Նախիջեւանի դեմ՝ կատարված Իրանի ռեժիմի կողմից Ադրբեջանի Հանրապետության դեմ, ուղղված Նախիջեւանի միջազգային օդանավակայանի եւ երեխաների դպրոցի դեմ, որի հետեւանքով տուժել են անմեղ քաղաքացիական անձինք եւ պատճառվել է վնաս կրիտիկականորեն կարեւոր քաղաքացիական ենթակառուցվածքին։ Այդ հարվածները Ադրբեջանի ինքնիշխանության կոպիտ խախտում են եւ իրանական ագրեսիայի թեժացում: Միացյալ Նահանգները լիակատար համերաշխություն է հայտնում Ադրբեջանին այս սպառնալիքների հարցում: Տարածաշրջանում մեր գործընկերների տարածքների դեմ հարձակումներն անընդունելի են եւ կունենան ԱՄՆ վճռական աջակցությունն այդ գործընկերների համար»,- նշվել է հայտարարության մեջ:
Ինչպես ավելի վաղ հայտնել էր Ադրբեջանի պաշտպանության նախարարությունը, մարտի 5-ին Իրանը Նախիջեւանի ուղղությամբ չորս անօդաչու թռչող սարք է արձակել: Իրանը, իր հերթին, հերքում է իր մասնակցությունն այդ գրոհին:
