Հարգելի երիտասարդներ, մեր հիմնական թեման՝ քաղաքական պատասխանատվությունը բոլոր փուլերում, բայց հատկապես քաղաքական ճգնաժամի փուլում։ Այս մասին «Բեկում» համաերիտասարդական ֆորումի ժամանակ ասաց ԱԺ «Հայաստան» խմբակցության պատգամավոր Աննա Գրիգորյանը։
«Առհասարակ պատասխանատվությունը ամենակարևոր էթիկական նորմն է, որ մեզանից յուրաքանչյուրը կետ սովորական կյանքում լինի, ցանկացած մասնագիտական գործունեության մեջ լինի, էլ չասեմ քաղաքական գործընթացների ժամանակ: Աշխարհում բազմաթիվ երկրներում, հատկապես քաղաքական ճգնաժամների ժամանակ, կառավարությունները անհաջողության պարագայում կրում են ուղիղ պատասխանատվություն: Եվ նման դեպքեր շատ-շատ են: Կախված տվյալ հասարակության ընկալումներից, էթիկական ընկալումներից իհարկե այդ պատասխանատվության չափաբաժինը շատ տարբեր է, օրինակ եվրոպական երկրներից մեկում, երբ պարզ է դարձել, որ երկրի ղեկավարը իր դեսերտացիան որոշակի քոփի-փեյստով կամ ինչ-որ տեղից վերցված է եղել, երկրի ղեկավարը ստիպված է եղել հրաժարական ներկայացնել։ Այսինքն մենք ունենք նման պարագաներ ևս։
Ցավոք սրտի, Հայաստանի Հանրապետությունում էդ պատասխանատվության չափաբաժինը այդպես չի գործում և նույնիսկ այն կառավարությունը, որը տապալել է արտաքին քաղաքականությունը, պատճառ է դարձել հայրենիքի մի մասի կորստին, միևնույն է շարունակում է կառավարել: Եվ 2021 թվականին, օրինակ, գործող իշխանությունները կառավարության ծրագրում գրել էին Շուշիի և Հադրութի դեօկուպացիայի հարց, ներգրավվել էին կետեր, որոնք իրականում տեղի չունեցան և ընդհակառակը, 180 աստիճան հակառակ բաներ են տեղի ունեցել, բայց և չեն շարունակում կրել պատասխանատվություն: Հաճախ կլսեք, որ ասում են մենք պատասխանատու ենք այն ամենի համար, ինչ տեղի է ունեցել, բայց թե գործնական առումով այդ պատասխանատվությունը ինչպես է դրսևորվում, դա ակնհայտ է, որ չկա»,- նշեց նա:
Մանրամասն՝ տեսանյութում։
