Սամվել Կարապետյանի կալանավորումը վրեժխնդիր քաղաքական գործողություն է․ Ռոբերտ Ամստերդամ

13 Օգոստոսի, 2025

«Որպես միջազգային փաստաբան, իմ դիրքորոշումն այն է, որ Սամվել Կարապետյանի գործը ակնհայտորեն քաղաքական է, և ցանկացած դատավարություն, որն այստեղ տեղի է ունենում, փորձիցս ելնելով կարող եմ ասել, կարող է համեմատելի լինել ինչ-որ ցուցադրական դատավարության հետ, շոուի հետ»,- մամուլի ասուլիսում ասաց մարդու իրավունքների միջազգային պաշտպան Ռոբերտ Ամստերդամը։

«Դատավարությունը նախաձեռնվել է գլխավոր դատախազի կողմից, որը կապեր ունի վարչապետի աշխատակազմի հետ և, ըստ երևույթին, գլխավոր դատախազը մեղադրանքը հարուցել է հիմնվելով օգտագործված բառերի սխալ մեկնաբանության վրա։ Այն փաստը, որ սա չի շտկվել և ազատ չի արձակվել Սամվել Կարապետյանը, ցնցող է։ Ակնհայտ է, որ օգտագործված բառերի հիման վրա տրամաբանորեն չի կարելի հանգել եզրակացության, որ գլխավոր դատախազի կողմից առաջադրված մեղադրանքը օրենքի դատարանում կարող է երբևէ հիմնավոր ճանաչվել։ Ըստ երևույթին, վարչապետը ճիշտ չի լսել վստահորդիս արտահայտած բառերը, և դրանից հետո նա ասել է բառեր, որոնք և՛ սպառնացող են, և՛ վիրավորական։ Դրանից բխում է, որ նա պետության ողջ իշխանությունը գործադրելու է պարոն Կարապետյանի նկատմամբ։

Ազատ, ժողովրդավարական հասարակաությունում դա չլսված բան է։

Նրա կալանավորումը վրեժխնդիր քաղաքական գործողություն է, որը որևէ տեղ չունի ժողովրդավարությունում։

Սա քաղաքական գործ է, մենք տեսնում ենք շոու դատավարություն, և կառավարությունը պետք է վերագնահատի քաղաքական գինը միջազգային հանրույթի շրջանակում։

Ես կառավարությանը հավաստիացնում եմ, որ այս գործով իրենց վարքագիծը կարժանա իրենց բոլոր տնտեսական, քաղաքական գործընկերների ուշադրությանը, և մենք կհասցնենք միջազգային իրավական հարթակներին Հայաստանում տեղի ունեցող այս անընդունելի գործելակերպը»,- ասաց փաստաբանը։

Հիշեցնենք՝ Ռոբերտ Ամստերդամը Հայաստան է ժամանել օգոստոսի 11-ին։ Հրատապ այցը կապված է Հայ Առաքելական Եկեղեցու վրա ճնշումների, սրբազանների, գործարար Սամվել Կարապետյանի կալանավորման հետ։

Օդանավակայանում լրագրողների հետ զրույցում ասել էր․ «Իմ գլխավոր առաքելությունն է Հայաստանում պաշտպանել եկեղեցին, պաշտպանել այն մարդկանց՝ եկեղեցու զավակներին, Քրիստոսի զավակներին, ովքեր ապօրինաբար ազատությունից զրկվել են։ Երբ մարդիկ հվատացյալ են և սիրում են իրենց եկեղեցին, իրենց երկիրը, ինչպիսին պարոն Կարապետյանն է, սակայն նրանց բիզնեսներն ապօրինաբար ռեյդի են ենթարկվել, ուրեմն ինչ-որ բն այնպես չէ։

Անհրաժեշտության կա երկխոսության կառավարության և եկեղեցու միջև։ Հույս ունեմ, որ կսկսվի այդ երկխոսությունը, հույս ունեմ, որ այդ մեղադրանքները կկարճվեն և որ գործընթացի արդյունքում եկեղեցին կլինի պաշտպանված։

Եկեղեցին Հայաստանում առանցքային նշանակություն ունի լեզվի համար, կրոնի համար և նշանակություն ունի ոչ միայն Հայաստանի քրիստոնյաների, այլ ամբողջ աշխարհի քրիստոնյաների համար։ Հավատացյալ բոլոր մարդիկ պարտավոր են պաշտպանել եկեղեցին Հայաստանում»։

Հարցին, թե չի՞ վախենում իր նկատմամբ հնարավոր ճնշումներից, պատասխանել էր․ «Ես սովոր եմ տարբեր երկրների կառավարությունների ճնշմանը։ Ռուսաստանում ինձ ձերբակալել են, ինձ արգելել են մուտք գործել յոթ երկիր, արդեն 50 տարի է՝ զբաղվում եմ այս աշխատանքով։ Պարզ է, որ կարող է լինել ճնշում, բայց որպեսզի այդ ճնշումը հասնի իր նպատակին, պետք է լինի մեկը, ով կենթարկվի այդ ճնշմանը։ Մենք՝ պաշտպանելով իրավունքները, չենք ճկվում»։

Երեկ՝ օգոստոսի 12-ին, Ամստերդամը հանդես էր եկել նաև ճեպազրույցով։ Ճեպազրույցի ժամանակ չասաց, թե ինչ հանդիպումներ է ունեցել՝ նրանց շահերից ելնելով։ Ասաց, որ ինքն ունի ԱՄՆ քաղաքացիություն, իսկ ում հետ որ հանդիպել է, Հայաստանի իշխանության ճնշումների ներքո են։

Մամուլի ասուլիսն ամբողջությամբ՝ այստեղ։

 

Նմանատիպ նյութեր

Գեղարքունիքում և Լոռիում քամու հետևանքով ծառեր են տապալվել

Գեղարքունիքում և Լոռիում քամու հետևանքով ծառեր են տապալվել

Նոյեմբերի 21-ին Գեղարքունիքի և Լոռու մարզային օպերատիվ կառավարման կենտրոններ ահազանգեր են ստացվել ուժեղ քամու հետևանքով մի շարք հասցեներում տապալված և տապալման վտանգ ներկայացնող ծառերի, վնասված տանիքների, արևային վահանակների և դրանց մետաղական կառուցատարրերի...

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից. Նարեկ Կարապետյան

Երբ մարդը սովորի ուրախանալ ուրիշների հաջողությամբ, Աստված նրան էլ կտա ուրիշների բոլոր հաջողություններից։ Այս մասին գրել է «Ուժեղ Հայաստան» խմբակցության ղեկավար Նարեկ Կարապետյանը՝ մեջբերելով՝ Սրբ Պաիսիոս Աթոսցու...

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Հրաչյա Քոչարի փողոցում բախվել են «Zeekr»-ը, «Mercedes»-ը և «Volkswagen»-ը. կան վիրավnրներ

Երեկ՝ նոյեմբերի 21-ին, ավտովթար է տեղի ունեցել Երևանում։ Ժամը 15:00-ի սահմաններում Արաբկիր վարչական շրջանի Հրաչյա Քոչարի փողոցում բախվել են «Zeekr», «Mercedes» և «Volkswagen» մակնիշի ավտոմեքենաները։ Shamshyan.com-ի տեղեկություններով՝ վթարի հետևանքով 3 հոգի, որոնց...

Փակ է Արագածոտնի մարզում Քարի լիճ տանող ավտոճանապարհը

Փակ է Արագածոտնի մարզում Քարի լիճ տանող ավտոճանապարհը

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են: Փակ է Արագածոտնի մարզում Քարի լիճ տանող ավտոճանապարհը: Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության...

Ուլտրաօրթոդոքս հրեա տղամարդը թքել է Երուսաղեմի հայկական վանքի վրա

Ուլտրաօրթոդոքս հրեա տղամարդը թքել է Երուսաղեմի հայկական վանքի վրա

Ուլտրաօրթոդոքս հրեա տղամարդը թքել է Երուսաղեմի հայկական թաղամասում գտնվող Սուրբ Հակոբ պատմական վանքի վրա։ Թքելու պահը նկարահանվել է։ Դեպքը  քաղաքում քրիստոնեական համայնքի հալածանքների մասին ևս մեկ ռեպորտաժ է։ Երուսաղեմաբնակ հայ լրագրող Գեղամ Բալյանը տեսանյութը տարածել...