Այսօր՝ օգոստոսի 11-ի գիշերը, շտապ այցով Հայաստան է ժամանել աշխարհահռչակ իրավաբան և մարդու իրավունքների միջազգային պաշտպան Ռոբերտ Ամստերդամը։ «Զվարթնոց» օդանավակայանում լրագրողների հետ զրույցում փաստաբան Ամստերդամը ներկայացրեց այցի նպատակը․ «Իմ գլխավոր առաքելությունն է Հայաստանում պաշտպանել եկեղեցին, պաշտպանել այն մարդկանց՝ եկեղեցու զավակներին, Քրիստոսի զավակներին, ովքեր ապօրինաբար ազատությունից զրկվել են։ Երբ մարդիկ հվատացյալ են և սիրում են իրենց եկեղեցին, իրենց երկիրը, ինչպիսին պարոն Կարապետյանն է, սակայն նրանց բիզնեսներն ապօրինաբար ռեյդի են ենթարկվել, ուրեմն ինչ-որ բն այնպես չէ։

Անհրաժեշտության կա երկխոսության կառավարության և եկեղեցու միջև։ Հույս ունեմ, որ կսկսվի այդ երկխոսությունը, հույս ունեմ, որ այդ մեղադրանքները կկարճվեն և որ գործընթացի արդյունքում եկեղեցին կլինի պաշտպանված։

Եկեղեցին Հայաստանում առանցքային նշանակություն ունի լեզվի համար, կրոնի համար և նշանակություն ունի ոչ միայն Հայաստանի քրիստոնյաների, այլ ամբողջ աշխարհի քրիստոնյաների համար։ Հավատացյալ բոլոր մարդիկ պարտավոր են պաշտպանել եկեղեցին Հայաստանում»։

Հարցին, թե արդյո՞ք կա այլ երկիր, որտեղ կառավարությունը եկեղեցու դեմ է պայքարում, փաստաբանը պատասխանեց․ «Ես պաշտպանում եմ եկեղեցին Ուկրաինայում, ես պաշտպանել եմ ուղղափառ եկեղեցին 45 տարի առաջ և դժբախտաբար այսօր կա երկրների ցուցակ, որոնցում եկեղեցին հարձակման ներքո է։ Եվ ըստ իս, չկա ավելի սրբազան պարտականութուն, քան եկեղեցին պաշտպանելն է ու իրավունքի գերիշխանությունը պաշտպանելը։ Տարիքին զուգընթաց՝ կրոնը, եկեղեցին, հվատքը ավելի կարևոր են դառնում։

Դժբախտաբար, իշխանավորները որոշ արագաներում եկեղեցին ծառայեցնում են քաղաքական նպատակներին, փոխանակ պաշտամունքի վայր վերաբերվելուն։

Իմ կրծիքով սա շատ կարևոր առաքելություն է։

Բայց հասկանում եմ խնդրի զգայնությունը, իրավիճակի զգայնությունը և այն փաստը, որ Հայաստանը դռևս Ադրբեջանում ունի քրիստոնյա պատանդներ։ Ահա թե ինչու եմ քայլ անում դեպի կառավարությունը՝ երկխոսության և քննարկման համար»։ 

Նշենք, որ Ռոբերտ Ամստերդամը հայտնի է տարբեր երկրներում մի շարք հասարակական-քաղաքական գործիչների և ակտիվիստների պաշտպանությամբ։ Եվ մամուլը մինչ այս նշում էր, որ հնարավոր է՝ Հայաստանի իշխանությւոնը խոչընդոտի նրա մուտքը Հայաստան։

Մանրամասն՝ տեսանյութում։