Մարդ կա ամեն ինչ հասկանում է, բայց իրեն դնում է չհասկացողի տեղ, այդ մարդկանց հետ վիճելը կատարելապես անիմաստ և ախմախ զբաղմունք է։ Այս մասին այսօր՝ մայիսի 14-ին, հայտարարեց ԱԺ Հայաստան խմբակցության պատգամավոր Արթուր Խաչատրյանը։
«Երբ այս իշխանությունները ինչ-որ բանի մասին խոսում են իրենց իշխանավարման 8-րդ տարում, իրանք օգտագործում են ներկա շարունակականը՝ անում ենք։ Իսկ ի՞նչ եք արել։ 300 դպրոց, 500 մանկապարտեզ կարուցում ենք իշխանավարման 8-րդ տարում։ Քանի՞սն է արդեն կառուցվել այդ 300-ից և 500-ից։ 10%, 15%, 20%: Դրա մասին ասեք՝ արել ենք, ոչ թե ինչ եք անում։ Ստեղ Պորուչիկ Ռժեվսկիի անեկդոտն ա, ասում ա՝ պրոցեսն ա դուրս գալիս։ Այդ պրոցեսը ոչինչ չի նշանակում, պրոդուկտն ա, արդյունքն ա, որը եթե ունենայիք, կբերեիք ի ցույց կդնեիք հասարակության աչքի առաջ»,- ասաց նա։
Մանրամասն՝ տեսանյութում։
