«Պատգամավորները՝ թե՛ մենք, թե՛ իրենք, ելույթներն օգտագործում են ոչ միայն կոնկրետ թեմայից խոսելու, այլև ընդհանուր տարբեր հարցեր արծարծելու համար։ Եվ նորից հետ ենք գնում նույն վիճակին․ երբ կոնկրետ հարցերին ու հարցադրումներին պատասխան չի լինում, գնում են 30 տարի հետ, 20 տարի հետ, 10 տարի հետ ու փորձում են՝ ինչ-որ տեղերում ճիշտ բաներ մեջբերելով, իսկ շատ դեպքերում էլ ստով կամ կիսաճշմարտություններով, հակազդել այսօրվա տրվող արդիական հարցերին։
Այնպես որ, դա կառուցողական չէ․ իրենց վարքագիծն է այս ամեն ինչը հետ բերել, թեմաները… Դե, 8 տարի է՝ իշխանության են, ժողովո՛ւրդ, իսկապես 8 տարի է՝ իշխանության են․ գրեթե նույնքան կամ մի գուցե ավելի, քան Լևոն Տեր-Պետրոսյանն է եղել իշխանության։ Իսկապես, երեկ դրա համար էի ասում՝ մեկ-մեկ ինձ թվում է պետք է պտտվեմ, տեսնեմ՝ Նիկոլ Փաշինյանը ընդդիմադիր նստած է, այս կողմը իշխանությունն է, իրենք՝ ընդդիմությունը, որովհետև խոսույթն ընդդիմադիր խոսույթ է։ Այ մարդ, այսքան բանով մեղադրում ես, 8 տարի է՝ իշխանության ես․ կամ ապացուցիր, կամ ներողություն խնդրիր, որ տարածել ես, կամ ասա՝ այսքան մասով ճիշտ էր, այսքան մասով՝ սխալ»։ Հակառակ դեպքում՝ ոչ, իհարկե, սա կառուցողական չէ»,- այս մասին լրագրողների հետ զրույցում ասաց «Հայաստան» խմբակցության պատգամավոր Լևոն Քոչարյանը։
Մանրամասն՝ տեսանյութում։
