Երկու ճանապարհ կար՝ փողոցային պայքար սկսելու, որտեղ մեկ խնդիր կար, ԱԺ-ում ընդդիմության ներկայացվածությունը բավարար չէր: Եթե անգամ փողոցային պայքարը հաջողած լիներ, ինչպես՝ Կիրանցի օրինակում, ամենամեծ փողոցային պայքարն էր, բայց ԱԺ-ում չկար մեծ ընդդիմադիր ներկայություն, որ իմպիչմենտ սկսվեր։ Այս մասին ասել է Ուժեղ Հայաստան խմբակցության ղեկավար Նարեկ Կարապետյանը։
Ըստ Կարապետյանի՝ 2/3-ի բացակայությունը խաղաքարտ է փոխում, այժմ կարող են իմպիչմենտ նախաձեռնել, ինչը նախկինում չէին կարող։
Անդրադառնալով ընտրության արդյունքներին՝ Կարապետյանը նշեց, որ իրական ընդդիմության համար իրենց ձայները ռեկորդային են, մոտ 80 տոկոսով ավել են, իսկ Փաշինյանի ձայներն անտրամաբանական ավելացվել են։
Կարապետյանը նաև նկատեց, որ այն ուժերը, որոնք ընտրություններով չեն անցել իշխանության, պետք է իրենց պատասխանատվությունն ընդունեն այս իրավիճակի համար, որովհետև բազմիցս է ասվել, որ իրենք չեն անցնելու, իսկ իրենց հավաքած ձայների մի մասն անցնելու են Փաշինյանին։
