«Այս անցած շաբաթը, անցած երևի 20 օրերի քննարկումներում շատ էր շոշափվում քաղաքական բանտարկյալների թեման, քաղաքական հետապնդումների թեման, ու «Քաղաքացիական պայմանագիր» կուսակցության պատգամավորները հիմնականում ընդդիմանում էին, չէին հասկանում՝ ինչի մասին է խոսքը․ այսպես՝ «չկա նման բան Հայաստանում, ինչ քաղաքական հետապնդում, ինչ քաղաքական պատվեր»։

Հենց նոր Նիկոլ Փաշինյանի ասածը քաղաքական հետապնդման պատվեր իջեցնելու դասական օրինակներից է՝ դատարանների, քննչականների, մնացածի վրա։

Եթե երկրի վարչապետը ասում է՝ «այս ինչը պետք է նստի, այս ինչը պետք է ունեզրկվի«, սա քաղաքական պատվեր է։ Սա նորմալ չի, ժողովուրդ։ Սա հակասում է եվրոպական ստանդարտներին, ժողովրդավարությանը, այն ամեն ինչին, ինչի համար դուք պայքարել ու եկել եք։

Խոսքը նրա մասին չի, որ գործընթացներ կարող են լինել, բայց սա՝ այն, ոնց էր ասում այստեղ ժամանակին՝ կար մարդ, նստում էր, ասում էր՝ բա էլ պոզով-պոչո՞վ է լինում։ Բա էլ պոզով-պոչո՞վ է այս պատվերը լինում»,- այս մասին ԱԺ հարցուպատասխանի ժամանակ ասաց «Հայաստան» խմբակցության պատգամավոր Լևոն Քոչարյանը։

Մանրամասն՝ տեսանյութում։