Եվրոպան այսօր ավելի շատ է զգում Թուրքիայի կարիքը, քան Թուրքիան՝ Եվրոպայի, հայտարարել է Թուրքիայի նախագահ Ռեջեփ Թայիփ Էրդողան։
Նա նախազգուշացրել է Եվրամիությանը քայլերից և հռետորաբանությունից, որոնք կարող են վնասել Անկարայի «կառուցողական դիրքորոշմանը»։ Նրա խոսքով՝ «Թուրքիան արդեն նախկինը չէ, իսկ աշխարհը չի սահմանափակվում արևմտյան պետությունների ազդեցության գոտով»։
Էրդողանը նաև կոչ է արել Եվրամիությանը ընդունել, որ առանց Թուրքիայի՝ որպես լիիրավ անդամ, այն չի կարող լինել գլոբալ խաղացող կամ գրավչության կենտրոն։ Նա Բրյուսելի դիրքորոշումը Անկարայի նկատմամբ անվանել է «կարճատես»։
«Եվրոպան ավելի շատ է կարիք զգում Թուրքիայի, քան Թուրքիան՝ Եվրոպայի, և այդ կախվածությունը միայն կաճի», — նրա խոսքերն է մեջբերում «Անադոլու» գործակալությունը։
Թուրքիան Եվրամիության (այն ժամանակ՝ Եվրոպական տնտեսական համայնքի) հետ ասոցացման համաձայնագիր է ստորագրել 1963 թվականին, իսկ անդամակցության պաշտոնական հայտ ներկայացրել է 1987-ին։ Միությանն անդամակցելու բանակցությունները սկսվել են միայն 2005 թվականին և բազմիցս դադարեցվել են քաղաքական տարաձայնությունների պատճառով։
