Յուրաքանչյուր ընդդիմություն պետք է պատրաստ լինի ինչ-ինչ ճնշումների։ Այս մասին Սամվել Կարապետյանի հիմնադրած «Մեր ձևով» շարժման մեկնարկին նվիրված միջոցառման ժամանակ նշեց շարժման համակարգող խորհրդի ղեկավար, «Տաշիր գրուպ» ընկերությունների խմբի փոխնախագահ Նարեկ Կարապետյանը։
«Ինձ թվում է՝ մեր իշխանությունում քիչ մարդ կա, որ հավատում է, որ ճնշումներով մեզ հետ կարելի է խոսել, քանի որ մենք ունենք գաղափարական հավատանք։ Ու այս ճանապարհը մենք գնալու ենք։ Եթե դու չես ճնշվում, քեզ ոչ ոք չի կարող ճնշել»,- հայտարարեց նա։
Նարեկ Կարապետյանն ընդգծեց, որ գործարար, բարերար Սամվել Կարապետյանը կդառնա «Մեր ձևով» քաղաքական ուժի գաղափարական առաջնորդը։
