«Մեզ համար այսօրվա առիթով այս նվիրական վայրերը աղոթքի, խոկումի և ապրումի վայրեր են։ Եվ մենք առավոտյան արդեն, որքան գիտեմ, հրապարակել ենք մեր ուղերձը, մեր պատգամը, մեր մաղթանքը մեր ժողովրդին։ Վերստին մեր հայցն ու աղոթքը մենք այսօր առ Աստված բարձրացրեցինք Մայր Տաճարում՝ նշելով Հայաստանի Հանրապետության անկախության 35-րդ տարեդարձը, և մեր խնդրանքն առ Աստված մատուցեցինք, որպեսզի անսասան լինի հայոց պետականությունը, հայրենի մեր երկիրը և մեր ժողովուրդը։
Այնուհետև եկանք այստեղ՝ նույնպես մեր աղոթքը մատուցելու մեր զոհված զավակների հիշատակի համար, մեր խոնարհումը բերելու նրանց հիշատակի առջև և հայցելու միաժամանակ, որ ազգի զավակունք՝ ինչպես համայն Հայաստանում, այնպես էլ ի սփյուռս աշխարհի, ոգեշնչվեն մեր հերոս զավակների քաջարի ոգով և նվիրումով ու հանձնառությամբ իրենց ծառայությունը բերեն մեր պետականության ամրապնդման, մեր հայրենիքի զորացման, մեր ժողովրդի օրհնյալ և բարօր կյանքի համար։
Թող Տերը օգնական ու պահապան լինի մեր ժողովրդին, և ապրենք համերաշխ, միասնական ու իրականություն դարձնենք նաև մեր հերոս զավակների իղձերն ու ցանկությունները, որոնց համար իրենք իրենց թանկագին կյանքն ընծայեցին։ Տերը թող միշտ իր աջը հովանի դարձնի մեր հայրենիքի և մեր ժողովրդի վրա։ Ապրենք խաղաղության մեջ, ապրենք ապահով և անորդով կյանքով։ Բարին ձեզ»,- այս մասին Եռաբլուրում հայտարարեց Ամենայն Հայոց Կաթողիկոս Գարեգին Եիկրորդը։
Մանրամասն՝ տեսանյութում։
