ԱՄՆ նախագահ Դոնալդ Թրամփը հինգշաբթի օրը հայտարարել է, որ հանդիպել է Ռուսաստանի նախագահ Վլադիմիր Պուտինի հատուկ բանագնաց Կիրիլ Դմիտրիևի հետ։
Սպիտակ տանը լրագրողների հետ զրույցում Թրամփը հավելել է, որ Ռուսաստանի և Ուկրաինայի միջև պատերազմը շատ մոտ է ավարտին, և դրա դադարեցման շուրջ համաձայնության հասնելը կարող է ներառել ողջ Եվրոպային։
«Սա համաձայնություն է լինելու։ Դա մեծ համաձայնություն է լինելու և վերաբերելու է ոչ միայն Ուկրաինային… Կարող եմ նույնիսկ ասել, որ այն կարող է ներառել ողջ Եվրոպան։ Սա մեծ, հրաշալի համաձայնություն է լինելու, և բոլորը գոհ են լինելու»,– ասել է Թրամփը։
