Վերջին օրերի ընթացքում Վրաստանի ներքին գործերի նախարարության Միգրացիոն դեպարտամենտի աշխատակիցները, նախարարության համապատասխան ստորաբաժանումների հետ սերտ համագործակցությամբ, երկրից արտաքսել են 85 օտարերկրացու։ Այս մասին հայտնում է Վրաստանի Հանրային հեռուստաընկերության Առաջին ալիքը՝ հղում անելով հանրապետության ՆԳՆ-ին։
Գործակալության տվյալներով՝ գործող օրենսդրության համաձայն՝ արտաքսված անձանց արգելվել է մուտք գործել երկիր։
«Միգրացիոն դեպարտամենտի կողմից իրականացված համալիր միջոցառումների արդյունքում երկրից արտաքսվել են ընդհանուր առմամբ 85 քաղաքացիներ հետևյալ երկրներից՝ Ադրբեջան, Բանգլադեշ, Բելառուս, Եգիպտոս, Իրաք, Թուրքիա, Թուրքմենստան, Եմեն, Հորդանան, Հնդկաստան, Իրան, Իսրայել, Կոտ դ’Իվուար, Կուբա, Նեպալ, Նիգերիա, Պակիստան, Ռուսաստան, Հարավային Աֆրիկա, Հայաստան, Սուդան, Թաիլանդ, Ֆիլիպիններ, Ղրղզստան և Չինաստան»,- նշված է հաղորդագրության մեջ։
