2018-2024 թվականներին ոստիկանների կողմից խոշտանգման 1100-ից ավելի դեպք է արձանագրվել, 1100–ից ավելի քրեական վարույթ կա, և դրանցից ընդամնեը 20-ն է դատարան գնացել մեղադրական եզրակացությամբ։ Այս մասին ՀՀ Քննչական կոմիտեի մոտ իրականացվող բողոքի ակցիայի ժամանակ ասաց ԱԺ «Հայաստան» խմբակցության պատգամավոր Լևոն Քոչարյանը։
«Երևի այնտեղ Վանձորում էլ ոստիկանները տեսել են, մտածել են՝ եթե պատգամավոր Աշոտ Սիմոնյանի նկատմամբ բռնություն է կիրառվում ու հետևանք չի լինում, ոստիկանները չեն պատժվում, իմ նկատմամբ ոստիկանները տեսախցիկների առջև բռնություն են կիրառում, չեն պատժվում, ուրեմն իրենց էլ է կարելի»,–ասաց Լևոն Քոչարյանը՝ նշելով, որ քրեական վարույթներ են հարուցվում, սակայն հանցագործություններն անպատիժ են մնում։
