Տնտեսագետ Հրայր Կամենդատյանը գրում է․
«ՀՀ ազգային ժողովում 2024 պետական բյուջեի կատարման մասին տարեկան հաշվետվության քննարկման ընթացքում վարչախմբի քպ ղեկավարը հայտարարել է, որ եթե, օրինակ, պետական ծառայողները մի ամիս աշխատավարձ, պարգևավճարներ չստանան, ապա տարեցների թոշակները հնարավոր կլինի բարձրացնել ընդամենը 1400 դրամով։ Այսօր հարցազրույցի ընթացքում անդրադարձել եմ այդ աղաղակող ստին եվ նշել ,որ դա կատարվում է հանրության տարբեր շերտերի միջև պառակտում սերմանելու նպատակով։ Իմ դիրքորոշումը հենված է թվական տվյալների վրա, մասնավորապես հիմք վերցնենք երեք տվյալ։
1. ՀՀ պետական ծառայողների քանակը, որը հիմա կազմում է 220000 մարդ
2.ՀՀ պետական ծառայողների միջին ամսեկան աշխատավարձը, որը հավասար է 213000 ՀՀ դրամ։
Փաստացի պետական ծառայողների ամսեկան աշխատավարձի ֆոնդը կազմում է 46 մլրդ 860 մլն ՀՀ դրամ
Եթե այս գումարը բաժանում ենք թոշակառուների առկա թվաքանակի վրա, որը 498000 մարդ է, ապա ստացվում է, որ յուրաքանչյուր թոշակառուին բաժին կհասներ 94000 ՀՀ դրամ։
Մարդ ինչ կարգի գրագետ պետք է լինի, որ գումարում, բազմապատկում չկարողանա կատարել եվ 94000 փոխարեն ստանա 1400 դրամ։
Սա կատակ չէ, սա սարկազմ կամ կրկեսային ներկայացում չէ։ Սա հայտարարել է երկրի առաջին պաշտոնյան և չգտնվեց մեկը ԱԺ կոչված տեր թոդիկի դպրոցում, ով խաբեբային ցույց կտար նրա ոչ պատահական սխալը։
Ի՞նչ հետեւություն այս ամենից։
1. վարչախմբի ղեկավարի արտաբերած ոչ մի թվային տվյալ հավաստի չէ
2. վարչախմբի ղեկավարը չի կարող որևէ մեկին կրթել
3. բյուջեի կատարողականի քննարկմանը մասնակցած և ոչ մեկ գրագետ չէ բառի բուն իմաստով»։
