«Մինչ այս պահը միակ փաստը, որ մենք բոլորով այստեղ պարզեցինք՝ մեջբերելով ձեր դիմացինին, այն է, որ Վահագն Ալեքսանյանը մանկապարտեզ չի ուտում։ Շնորհավորում եմ այդ կապակցությամբ։
Եթե ես չլինեի ընդդիմադիր պատգամավոր, գուցե անկեղծորեն, ամենայն անկեղծությամբ ուզենայի ձայն տալ, կողմ քվեարկել պարոն Ալեքսանյանին․ մի փոքր այս երեք օրվա խոսույթը կհամադրեի, հասկանայի՝ գուցե իսկապես արժե՞ գալ և կողմ քվեարկել։ Բայց այս երեք օրվա ընթացքում օրենսդիր ներկայացուցիչը բառացի գալիս, ասում է, որ ինքը անընդհատ խոսում էր այն մասին, որ պետք է ընտրական օրենսգիրքը խախտվեր։ Ասում էր․ «Ես խոսում էի, ժողովո՛ւրդ ջան, ասում էի՝ եկեք խախտենք այդ օրենսգրքում գրված տողերը, ես ասում էի՝ եկեք խախտենք, ու ինձ ոչ մեկ չէր լսում»։
Ժո՛ղովուրդ, Ազգային ժողովի պատգամավորը, ով մասնակցում է օրենքների ընդունմանը և այլն, չի՛ կարող նման խոսույթ ունենալ։ Այդպես ասում էիք․ «Եկեք ընդունենք, դե, զինվորները ուշացած են եկել» և այլն։ Նախ՝ զինվորին այդպես չեն հարգում և երկրորդ՝ ավելի հակված կլինեի հավատալու ձեր անկեղծությանը, եթե գոնե մի միտք հնչեր, որ սա ընդունելով որպես նախադեպ՝ ինչ-որ առաջարկություն անեիք, ասեիք՝ փոփոխություն մտցնենք օրենքի մեջ և այլն, որից հետո նման միջադեպերը օրինական համարվեին։ Բայց դուք ջատագովում էիք, որ ընտրական օրենսգիրքը խախտվի՛։ Սա աննորմալ երևույթ է»,- ԱԺ իր ելույթում ասաց «Ուժեղ Հայաստան» խմբակցության պատգամավոր Արեգա Հովսեփյանը։
Մանրամասն՝ տեսանյութում։
