Նախագահ Փեզեշքիանը նշել է, որ Իրան–Հայաստան հարաբերությունները հիմնված են փոխադարձ հարգանքի, բարիդրացիության և ընդհանուր շահերի վրա՝ հավելելով, որ երկու երկրները հետևողականորեն զարգացրել են կառուցողական համագործակցությունը տարբեր ոլորտներում։ Հաղորդում է Mehr-ը։
Նախագահ Փեզեշքիանը նաև ընդգծել է, որ Թեհրանի և Երևանի հարաբերությունները պետք է զերծ մնան արտաքին միջամտությունից և առաջնորդվեն բացառապես երկու երկրների անկախ կամքով։ Նրա խոսքով՝ արտատարածաշրջանային ուժերի ներկայությունը հաճախ ավելի է բարդացրել տարածաշրջանային խնդիրները, քան նպաստել դրանց լուծմանը։
Վերահաստատելով Իրանի արտաքին քաղաքականության սկզբունքները՝ նախագահը շեշտել է բոլոր երկրների ինքնիշխանության և տարածքային ամբողջականության նկատմամբ հարգանքի կարևորությունը՝ կրկնելով, որ Թեհրանը կողմ է տարաձայնությունների կարգավորմանը երկխոսության և դիվանագիտության միջոցով։ Նա նաև հայտարարել է, որ Իսրայելի վարչակարգը Արևմտյան Ասիայում անկայունության գլխավոր աղբյուրն է՝ վկայակոչելով նրա գործողությունները Լիբանանում, Գազայի հատվածում, Սիրիայում և Իրանում։
