«Պետք է ցույց տալ, որ ամբողջ հասարակությունը չէ կուրացած։ Ցավոք սրտի, Նիկոլ Փաշինյանի թիմի մոտ ստացվեց երեք ամիս առաջ կրկին խաբել մեր հասարակությանը։ Ամեն կերպ իր մոտ ստացվում է ազգը սարքել ժողովուրդ, որովհետև մեզ խոստացան խաղաղություն, և այսօր մենք տեսնում ենք այդ «խաղաղությունը»։
Այսինքն՝ դա նվաստացում է ոչ միայն խաղաղ քաղաքացու համար։ Նույնիսկ զինվոր չի վիրավորվել, վիրավորվել է կին՝ հայ կին, հայ մայր, իր տան մեջ, իր երեխաների աչքերի առաջ, և հիմա մենք դեռ քննարկում ենք՝ ինչ պետք է լինի։
Օրինակ՝ իմ մոտ հարց է առաջանում՝ այս երկրում կա՞ մի քաղաքացի, ով պատկերացնում է, որ, օրինակ, եթե հիմա երկրի ղեկավարը լիներ Ռոբերտ Քոչարյանը, Հայ Յեղափոխական Դաշնակցությունն էլ կազմեր կառավարության մաս, և այսօր մենք քննարկեինք՝ պետք է հանձնել, թե չհանձնել, պետք է պատժել, թե ոչ, ինչու այս մի հոդվածով մեղադրանք չկա։ Եթե մենք լինեինք իշխանության, և սա տեղի ունենար, մեզ պետք է ամբողջ ժողովուրդը հալածեր, և ճիշտ կաներ։ Ցանկացած առողջ քաղաքացիական հասարակություն պետք է հալածի այն իշխանությանը, որը թույլ է տալիս, որ մեր սահմանը հատած մարդը 15 կիլոմետր ներթափանցի»,- այս մասին ԱԱԾ-ի դիմաց ՀՅԴ երիտասարդական միության ակցիայի ժամանակ ասաց «Հայաստան» դաշինքի անդամ Սամվել Հակոբյանը։
Մանրամասն՝ տեսանյութում։
