«Շրջանառության հարկի գումարն ընդհանուր մուտքերի մեջ կազմում է 2.7%: Հետևաբար, շատ հանգիստ կարելի է ուղղակի այդ գումարը չգանձել՝ դրանով իսկ խթանելով ու լուծելով սոցիալական խնդիրը մեր երկրում: Շրջանառության հարկի միջոցով, այսինքն՝ դրույքաչափի ցածրացման կամ զրոյացման միջոցով, մենք ավելի շատ լուծում ենք ոչ թե ֆիսկալ, այլ, առաջին հերթին, սոցիալական խնդիր:
Ցավոք սրտի, 2025 թվականի հունվարի 1-ից այդ մասը փոփոխվեց, և շատ ու շատ ընկերություններ փակվեցին: Մինչև 4,000 ընկերություն փակվել է Հայաստանի Հանրապետությունում զուտ նրա համար, սիրելի՛ ժողովուրդ, որ մարդը, դիցուք, ամսական վճարում էր X դրամ, և այդ թիվը դարձավ 400,000 դրամ, ինչն էական նշանակություն ուներ իր գործունեության համար:
Ռիսկեր, բնականաբար, կան, դա մասնագիտական քննարկման խնդիր է, բայց, այո՛, կան հնարավորություններ, և այդ օրինագիծը, կարծում եմ, մենք պարտադիր կդնենք շրջանառության մեջ»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Հայկ Ֆարմանյանը։
Մանրամասն՝ տեսանյութում։
