«Մի կարևոր ընդգծում անեմ․ որպես տղամարդ՝ ատում եմ կամ առնվազն չեմ հարգում տղամարդու մեջ երեք հիմնական հատկանիշ՝ արդարանալ ինչ-որ մեկի առաջ, հրաժարվել նախկին խոսքերից և ճիշտը չասել։ Հետևությունները թողնում եմ ձեզ։
Ինչու՞ ընտրել ինձ հանձնաժողովի նախագահ․ ընտրության իրավունքը ձերն է։ Ես առանձնապես չեմ տառապում այս հանձնաժողովի նախագահ դառնալու ցանկությամբ․ բացարձակ ո՛չ։ Դա քաղաքական որոշման խնդիր է, ես ենթարկվել եմ մեր թիմի քաղաքական որոշմանը։ Մեկ անգամ ևս շնորհակալ եմ, պարո՛ն Կարապետյան, ինձ վստահելու համար։
Ես ունեմ անցած ճանապարհ, դասախոսական փորձ, գիտական ու գործնական գիտելիքներ, երկար տարիներ բարեխղճորեն ծառայել եմ պետական համակարգում։
Հարգելի՛ հայրենակիցներ, հարգելի՛ գործընկերներ, կարծում եմ՝ դուք այնքան բանականություն, այնքան ինտելեկտ ունեք, որ իմ կենսագրությանը նայելիս ակնհայտ է դառնում՝ չէի կարող կոռուպցիայի մեջ թաթախված լինել՝ աշխատելով իմ նշած ստորաբաժանումներում»,- այս մասին ԱԺ իր ելույթում ասաց «Ուժեղ Հայաստան» խմբակցության պատգամավոր Հայկ Ֆարմանյանը։
Մանրամասն՝ տեսանյութում։
