«Ես ուզում եմ խոսեմ, հարցնեմ այն փաստաթղթի մասին, որը ձեզ է ներկայացվել 2019 թվականի հունիսին: Նայում ես՝ բավականին լավ փաստաթուղթ է, ամրագրվում է այն մեխանիզմը, որով Լեռնային Ղարաբաղի ժողովուրդը կարող էր որոշել իր ապագա իրավական կարգավիճակը: Նշվում էր, որ կարգավիճակը որևէ սահմանափակման ենթակա չէ, նշվում է, որ համաժողովրդական կամարտահայտությունն իրականացնելու է Լեռնային Ղարաբաղի բնակչությունը, այսինքն դուրս են գալիս այն բոլոր պնդումները, թե՝ «իսկ ո՞վ ասեց, որ Ղարաբաղում պետք է լիներ, ո՞վ ասեց, որ օրակարգում կարող է լինի անկախության հարցը», ապաշրջափակվում էր Լեռնային Ղարաբաղը, ժամանակավոր վարչակազմ էր հաստատվում, Հայաստանը դիտվում էր որպես Լեռնային Ղարաբաղի անվտանգության երաշխավորներից մեկը, պրոտեկտորը, պարզ ասած։ Ուզում եմ հասկանամ, դուք էս փաստաթղթին ի՞նչ արձագանք եք տվել։ Բանակցությունների ժամանակ ձեր ներկայացուցիչները Միացյալ Նահանգներում կամ, եթե բանակցությունների գործընթացին հետևենք, այս տարբերակը շրջանառվում էր 2019 թվականից և ենթադրում եմ սա այն թուղթն է, որը Վիենայում քննարկել եք Ալիևի հետ Մինսկի խմբի համանախագահների հովանու ներքո, ո՞րն էր եղել ձեր արձագանքը, որովհետև 20-ից հետո հետևել է Հայաստանի հռետորաբանության էական սաստկացում: Ինչը թույլ է տալիս դատել, որ արձագանքը եղել է բացասական, բայց ամեն դեպքում ես կխնդրեի, որ դուք պատասխանեիք»,- այս մասին ԱԺ հարց ու պատասխանի ժամանակ ասաց «Հայաստան» խմբակցության պատգամավոր Արթուր Խաչատրյանը՝ դիմելով Նիկոլ Փաշինյանին։
Մանրամասն՝ տեսանյութում։
