Ռուսաստանաբնակ հայտնի մեդիամենեջեր Արամ Գաբրելյանովը տելեգրամյան ալիքում գրում է․
«Լուրեր Մոսկվայից: Սերժ Սարգսյանը շարունակում է Փաշինյանի հետ համատեղ խաղը՝ Ռոբերտ Քոչարյանին և նրա քաղաքական ուժին վարկաբեկելու համար: Ինչպես հայտնի դարձավ, Սերժին թույլ են տվել դուրս գալ Հայաստանից։ Սերժնիկոլի պլանն այսպիսին է․
Սերժը փորձում է ռուս օլիգարխներից մեկի օգնությամբ հանդիպում ունենալ Կրեմլում ու համոզել ռուսական իշխանությանը, որ Նիկոլը պատրաստ է ոտքերը լիզել ու ներողություն խնդրել։
Սարգսյանն էլ ուզում է միջնորդ հանդես գալ Փաշինյանին փրկելու հարցում։
Մի բան պարզ է, որ Սարգսյանը Քոչարյանին ատում է Փաշինյանից ոչ պակաս։ Պատմում են, որ իրենք՝ ՀՀԿ-ականները դժգոհ են Սարգսյանի դիրքորոշումից և այն համարում են դավաճանական»։
Մեկ այլ գրառմամբ էլ Գաբրելյանովը նշում է․
«Փաշինյանի և Սերժ Սարգսյանի փոխկապակցվածության աստիճանը հասկանալու համար՝ մի քանի թիվ․ Փաշինյանը 500 օր բանտում է պահել Ռոբերտ Քոչարյանին, Իսկ Սերժին 13 հազար դոլար գրավի դիմաց Հայաստանից դուրս գալու իրավունք է տվել»։
