«Ժողովրդավարությունից շատ սիրուն, շատ ճիշտ եք խոսում, շատ լավ կարողանում եք հրամցնել, բայց իրական պատկերը լրիվ այլ է․ բազմաթիվ քաղբանտարկյալներ… Այդ ժողովրդավարության վառ արդյունքն է այսօր իմ գործընկեր Արթուր Սարգսյանի այստեղ չլինելը, հնարավորություն չունենալը, որպեսզի գա և մասնակցի խորհրդարանի աշխատանքներին։ Չէ՞ որ Հայաստանի Հանրապետության քաղաքացիները ձայն են տվել Արթուր Սարգսյանին, որպեսզի նրան տեսնեն խորհրդարանում՝ որպես պատգամավորի։
Այդ «ժողովրդավարության» դրսևորումներից է 70-ամյա Գագիկ Ծառուկյանին մի 30 հոգով՝ դիմակներով, սև շորերով, առանց որևէ դիմադրության գետնին տապալելը։ Այն դեպքում, երբ մարդասպանության բազմաթիվ դեպքեր են տեղի ունենում Հայաստանի Հանրապետությունում, և մենք տեսանյութեր ենք տեսնում, թե ինչպես են, օրինակ, մարդասպանի ձեռքը հանգիստ բռնած, շոյելով տանում այս կողմ, տանում այն կողմ։
Սա ժողովրդավարություն չէ, սա ուղղակի, չգիտեմ՝ իրավական ասեմ, քաղաքական ասեմ, բեսպրեդելի դրսևորում է»,- այս մասին ԱԺ իր ելույթում ասաց «Հայաստան» խմբակցության պատգամավոր Սևակ Խաչատրյանը։
Մանրամասն՝ տեսանյութում։
