Ի տարբերություն նախկինում եղած դեպքերի, երբ ընտանիքից մեկ հոգու էին կալանավորում, հիմա ՔՊ-ն նոր քաղաքականություն է որդեգրել՝ խմբակային կալանավորումներ են անում, ընտանիքից միաժամանակ երկու-երեք հոգու են կալանավորում կամ աշխատանքից ազատում, որովհետև այդ մարդը հանդգնել է պաշտպանել իր հարազատին, որը թեկնածու է։ Այս մասին դատարանի բակում լրագրողների հետ զրույցում ասել է «Հայաստան» խմբակցության պատգամավոր Սևակ Խաչատրյանը։
Խաչատրյանի համոզմամբ՝ առաջիկա նոյեմբեր և դեկտեմբեր ամիսներին նախատեսված ՏԻՄ ընտրություններին ընդառաջ ընդդիմադիր ուժերի նկատմամբ ճնշումները կարող են շարունակվել։
