Լրագրող Ոսկան Սարգսյանը գրում է. «Տավուշի մարզպետարանից տեղեկացել եմ, որ սեպտեմբերի 16-ի դրությամբ մարզպետի աշխատակազմի աշխատակիցներին վճարվել է 48 միլիոն 509.1 հազար դրամ պարգևավճար, ըստ իրենց դիմումների մարզի կարիքավոր բնակիչներին տրվել է 39 միլիոն 541.0 հազար դրամի ֆինանսական աջակցություն։ Տավուշի մարզպետ Հայկ Ղալումյանը և մարզպետի աշխատակազմի շուրջ յոթ տասնյակ պաշտոնյաները պետական բյուջեից մոտ 9 միլիոն դրամ ավել պարգևավճար ավելին են ստացել, քան ողջ Տավուշի մարզի սոցիալապես անապահովները՝ դրամական օգնություն։ Տավուշի մարզի բազմաթիվ կարիքավորներից բողոքներ եմ ստացել, որ Տավուշի մարզպետարանի համապատասխան հանձնաժողովը տարբեր պատճառաբանություններով մերժել է դրամական աջակցություն տրամադրելու իրենց խնդրանք-դիմումները։ Ստացվում է , որ մարզի աղքատների դրամական օգնության խնդրանք-դիմումները մերժել են, իսկ իրենք՝ պետբյուջեից ճոխ ինքնապարգևատրվել Սա «Նիկոլի թվին» սոցիալական անարդարություն է»։
Բայրամովն ու Արաղչին հանդիպել են ՄԱԿ-ի Գլխավոր ասամբլեայի 81-րդ նստաշրջանի շրջանակում
Ադրբեջանի և Իրանի արտգործնախարարներ Ջեյհուն Բայրամովն ու Աբաս Արաղչին հանդիպել են ՄԱԿ-ի Գլխավոր ասամբլեայի 81-րդ նստաշրջանի շրջանակում։ Հանդիպման ընթացքում քննարկվել են Ադրբեջանի և Իրանի երկկողմ ու բազմակողմ օրակարգը, ինչպես նաև տարածաշրջանային գործընթացները։ Կողմերն...
