«Վստահ եմ, որ սա նպատակաուղղված քաղաքականություն է Սերժ Սարգսյանի կողմից, որպեսզի ինքն ընկալվի որպես 2-րդ նախագահ Ռոբերտ Քոչարյանի դաշնակից, մտերիմ, ինչը, բնականաբար, իրականությանը չի համապատասխանում»,- «5-րդ ալիքի եթերում» ասել է փաստաբան, «Առաջ» աջակենտրոն կուսակցության Կենտրոնական գործադիր կոմիտեի անդամ Ալեքսանդր Կոչուբաևը՝ նշելով, որ կա ոչ թե երկու ուժերի բանավեճ, այլ 3-րդ նախագահի թիմակիցների՝ ամեն գնով նախագահ Քոչարյանի հետ ասոցացվելու փորձ:
Իրավաբանը փաստերով հիմնավորել է իր տեսակետը, որ 2018 թվականին Նիկոլ Փաշինյանը բերվել է իշխանության՝ վստահություն հայտնելով, որ Փաշինյանը մարտի 1-ի իրադարձություններից սկսված նախապատրաստվում էր, որպես հանրապետության վարչապետ:
«Ես վերցրել եմ 2006-2013թթ․ ընթացքում ՀՀ-ում հայտարարված բոլոր համաներման փաստաթղթերը։ 2006-ին ԱԺ-ն թույլատրել է պատժից ազատել բոլոր այն անձանց, ովքեր դատապարտվել են ազատազրկման 5 տարի ժամկետով և կրել են պատժի նվազագույնը 1/3-ը։ Այսպես է եղել նաև 2009 և 2013 թվականներին, բոլոր այս փաստաթղթերում 2-րդ անգամ հանցանք կատարած անձանց վրա համաներումը չի տարածվում։ Իսկ հիմա վերցնենք 2011 թվականի համաներման ակտը․ համաներումը տարածվում է բոլոր այն անձանց վրա, ով դատապարտվել է 8 տարի ազատազրկման և կրել է պատժի 1/4-ը։ Պարոն Փաշինյանը ենթարկվել էր 7 տարի պատասխանատվության, այսինքն այդ պարագայում մեր հանրապետությունում չափազանց կայուն հենք ունեցող 5 տարին, որը երբեք սրանից առաջ և հետո չի փոփոխվել, դարձավ 8 տարի։ Եվ նաև երկրորդ նրբությունը, այստեղից դուրս է մնացել 2-րդ անգամ հանցանք կատարելը, քանի որ պարոն Փաշինյանը 1998 թվականին էլ է եղել դատապարտված։ Այստեղ 1/4 է իջեցվել նվազագույն շեմը, իսկ Փաշինյանը կրել էր իր պատժի 1/4-ը։
Եկեք իմ կարծիքները խորացնեմ. Թեզ է նետվում հրապարակ, որ 2015 թվակականի սահմանադրությունը «կարվել է Սերժ Սարգսյանի հագով»: Սերժ Սարգսյանը ունի՞ բարձրագույն կրթություն, այո ունի, իսկ մինչև 2015 թվականը պատգամավորի համար նախատեսվա՞ծ էր բարձրագույն կրթության պարտադիր ցենզ, այո, պարտադիր էր։ Վարչապետի համար նախատեսվա՞ծ էր պարտադիր բարձրագույն կրթություն, այո՛, նախատեսված էր։ Իսկ 2015 թվականի Սահմանադրությմաբ վարչապետն այլևս պարտադիր չէ, որ ունենա բարձրագույն կրթություն։ Լավ, սա Սերժ Սարգսյանի՞ համար էր, թե՞ Նիկոլ Փաշինյանի։ Կրթություն չունեցողը պարոն Փաշինյանն էր։ Հետևաբար Սահմանադրությունը Փաշինյանի համար էր»,- ասել է Կոչուբաևը՝ հավելելով, որ այն ինչ եղավ 2018-ին պետք է լիներ 2016-ին, որը չստացվեց։
Մանրամասները՝ տեսանյութում։
