«Ձեր ելույթում ասացիք, որ նախորդ՝ ութերորդ գումարման խորհրդարանը ամենացածր, այսպես ասած, ռեյտինգ ունեցող խորհրդարանն է եղել։
Պարոն Կոնջորյան, դուք եղել եք այդ խորհրդարանի իշխող ուժի խմբակցության ղեկավարը։ Ինձ հետաքրքիր է՝ արդյո՞ք այդ ցածր ռեյտինգ ունենալու համար ինքներդ, անձնապես, ձեր, այսպես ասած, սխալները տեսնում եք կամ որոշակի մասով ինչ-որ մեղք ունեք։ Կարո՞ղ է՝ ուրիշ ձև անեիք, աշխատանքային այլ մոտեցում ցույց տայիք, ուրիշ լիներ։
Որովհետև հիմա դուք հավակնում եք ավելի բարձր պաշտոնի։ Նախորդ խորհրդարանում ուղղակի իշխող խմբակցությունն եք ղեկավարել, հիմա արդեն, այսպես ասած, ղեկավարելու եք՝ պարոն Ռուբինյանի բացակայության դեպքում, ղեկավարելու եք նաև Ազգային ժողովը։
Արդյո՞ք տեսել եք ձեր սխալները և մտածում եք, որ իններորդ գումարման խորհրդարանում այդ սխալները անձնական առումով այլևս չեք անելու, մոտեցումներն այլ են լինելու, որպեսզի այդ ռեյտինգն ավելի բարձրանա։ Այսինքն՝ իններորդ գումարման Ազգային ժողովն ավելի լավը լինի, քան ութերորդը։
Եվ մի բան էլ ասեմ։ Անկեղծ՝ դուք ճիշտ ասեցիք, նորմալ է ու շատ ճիշտ է, երբ որ մարդը ինչ-որ բանում սխալվում է ու դրա համար ներողություն է խնդրում։ Դա ուժեղ մարդուն բնորոշ պահվածք է։ Բայց շատ վատ է, երբ որ նույն մարդը տասն անգամ անում է սխալ ու տասն անգամ ներողություն է խնդրում։ Դա արդեն նմանվում է այլ բանի»,- այս մասին այսօր՝ օգոստոսի 3-ին, հայտարարեց ԱԺ «Հայաստան» խմբակցության պատգամավոր Սևակ Խաչատրյանը՝ դիմելով ՔՊ-ական Հայկ Կոնջորյանին։
Մանրամասն՝ տեսանյութում։
