«Պրոբլեմը նրա մեջ է, որ Նիկոլ Փաշինյանն իր սխալները փորձում է գցել Ռուսաստանի նախագահի գրպանը։ Սա նոր թեմա չէր, անընդհատ շարունակվում է և եթե ինքն էլ դա չի ասում, ապա խորհրդարանի նախագահը, այլ պաշտոնյաներ անընդհատ այդ թեման քննարկում են մեկ պատճառով՝ ներսում մեր ժողովրդին համոզել, որ իրենք չեն մեղավորը պատերազմի, պատերազմում պարտվելու, իրենք չեն մեղավորը Ղարաբաղը ամբողջությամբ կորցնելու մեջ, մեղավորը Ռուսաստանն է: Մենք սա տեսնում ենք չէ՞, ինչ կա-չկա, ինչ պրոբլեմներ իրենք ունեն՝ մեղավորները ուրիշ են: Հիմա մեղքը գցում է Ռուսաստանի վրա, երևի մտածելով, որ ռուսները դա չեն հետևում, ռուսները դրա մասին չգիտեն։ Դու եթե ներքին սպառման համար թեմաներ ես քննարկում և այդ թեման ուղղակի կպնում է այլ երկրի, հատկապես գերպետության շահերին, դու պետք է մտածես, որ մենակ քո ընտրազանգվածը չի քեզ լսում, քեզ լսում են նաև ուրիշները: Սա ուղղակի անպարկեշտության ինչ-որ դրսևորում է, որովհետև իսկապես փորձում է Ռուսաստանի գրպանը գցել այն, ինչ կատարվել է ուղիղ Նիկոլ Փաշինյանի մեղքով»,- այս մասին «Մեծ քաղաքականություն» փոդքասթի ժամանակ ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։
Մանրամասն՝ տեսանյութում։
