«Մեր ձևով» ժողովրդական շարժումն աշխատանքային այցով Ստեփանավանում էր

27 Նոյեմբերի, 2025

Նոյեմբերի 26-ին «Մեր ձևով» ժողովրդական շարժման անդամներն աշխատանքային այցով գտնվում էին Ստեփանավան համայնքում։ Այս մասին տեղեկանում ենք շարժման ֆեյսբուքյան էջից։
Այցի մեկնարկը տրվել է Գյուլագարակ գյուղում, որտեղ շարժման անդամները գյուղի բնակիչներին են  ներկայացրել շարժման կողմից առաջարկվող՝ հանրապետության մարզային համայնքների և գյուղական բնակավայրերի զարգացման տեսլականը, տեղի ունեցավ մտքերի փոխանակում բնակավայրի գյուղատնտեսական և տուրիստական մեծ պոտենցիալը լավագույնս օգտագործելու հնարավորությունների մասին։
Շարժման անդամների հաջորդ կանգառը Ստեփանավան քաղաքում էր, որտեղ Սոս Սարգսյան 18 հասցեում պաշտոնապես բացվեց «Մեր ձևով» ժողովրդական շարժման Ստեփանավան քաղաքի տարածքային գրասենյակը։
 Բացման արարողության ավարտին շարժման մասնակիցները զրույց ունեցան գրասենյակի այցելուների հետ և պատասխանեցին վերջիններիս հետաքրքրող հարցերին։
Շարժման գրասենյակի բացման հանդիսավոր արարողությունից հետո շարժման անդամները զբոսնեցին քաղաքում և ծանոթացան քաղաքի ենթակառուցվածքներին, այցելեցին քաղաքի Սուրբ Սարգիս եկեղեցի և շփվեցին ստեփանավանցիների և քաղաքի այցելուների հետ։
Շարժման անդամների աշխատանքային այցը Ստեփանավան համայնք ավարտվեց Ագարակ գյուղում, որտեղ շարժման մասնակիցները ծանոթացան գյուղի բնակիչների առօրյային և պատասխանեցին գյուղի բնակիչների հարցերին։

Նմանատիպ նյութեր

Ռուսաստանը չպետք է խոչընդոտի տարածաշրջանի երկրների մերձեցմանը Եվրամիության հետ. Վադեֆուլ

Ռուսաստանը չպետք է խոչընդոտի տարածաշրջանի երկրների մերձեցմանը Եվրամիության հետ. Վադեֆուլ

Գերմանիայի արտաքին գերատեսչության ղեկավարը նոյեմբերի 18-ին կժամանի Երևան և Բաքու:  Իր առաջին այցից առաջ նա քննադատել է Ռուսաստանի քաղաքականությունը Հարավային Կովկասում և կոչ արել Մոսկվային չխոչընդոտել տարածաշրջանի երկրների մերձեցմանը Եվրամիության հետ։ Այս մասին գրում...

Սպասվում է առանց տեղումների եղանակ. օդի ջերմաստիճանն էապես չի փոխվի

Սպասվում է առանց տեղումների եղանակ. օդի ջերմաստիճանն էապես չի փոխվի

Երևանում նոյեմբերի 17-ի ցերեկը, 18-ի և 19-ի գիշերը սպասվում է առանց տեղումների եղանակ։ Նոյեմբերի 18-ի և 19-ի ցերեկը, 20-ին սպասվում է կարճատև անձրև, 21-22-ին ժամանակ առ ժամանակ սպասվում է անձրև։ Հանրապետության տարածքում նոյելբերի 17-ի ցերեկը, 18-ի և 19-ի գիշերը...

Հայաստան կժամանի Գերմանիայի արտաքին գործերի նախարարը

Հայաստան կժամանի Գերմանիայի արտաքին գործերի նախարարը

Նոյեմբերի 18-ին Հայաստան կժամանի Գերմանիայի արտաքին գործերի նախարար Յոհան Վադեֆուլը, հայտնել են ԱԳՄԱ նախարարությունից: ԱԳՄԱ նախարարությունում կկայանա հանդիպում ՀՀ արտաքին գործերի և միջազգային առևտրի նախարար Արարատ Միրզոյանի հետ: Նախարարները հանդես կգան համատեղ մամուլի...

Թրամփը ցանկանում է ավարտել Իրանի հետ պատերազմը. Վենս

Թրամփը ցանկանում է ավարտել Իրանի հետ պատերազմը. Վենս

ԱՄՆ փոխնախագահ Ջեյ Դի Վենսը հայտարարել է, որ ԱՄՆ նախագահ Դոնալդ Թրամփը ցանկանում է ավարտել Իրանի հետ պատերազմը և թույլ չի տա, որ այն վերածվի երկարատև հակամարտության։ Այս մասին Վենսը հայտնել է Fox News հեռուստաալիքին տված հարցազրույցում։ Փոխնախագահը նշել է, որ Իրանի...