«Սովորաբար կան բառեր, որոնք արտաբերելիս ինչ-որ պատկեր ես տեսնում, ինչ-որ բանի հետ ես կապում այդ բառը։

Օրինակ՝ եթե ասում ես «սար», ինձ համար առաջին հերթին Արարատն է գալիս աչքիս առաջ։ Եթե ասում ես «լիճ», երևի յուրաքանչյուր հայի մտքում առաջինը Սևանն է հայտնվում։

Եթե ասում ես «կզած առաջնորդ», «հող հանձնող», «պարտվող»՝ ո՞ւմ պատկերն է գալիս։ Հիմա մենք ուզում ենք, որ այդ բառերն ընդհանրապես մոռացվեն, մի կողմ դրվեն, այլևս չհիշվեն։

Այս քարոզարշավը բավականին ծանր ու մրցակցային քարոզարշավ է։ Միաժամանակ նաև կիրառվող մեթոդներով՝ կեղտոտ քարոզարշավ է։

Բայց հենց այս քարոզարշավի ընթացքում «պարտություն», «պարտություն», «պարտություն» բառերը լսելիս անընդհատ մի կերպար է հայտնվում աչքի առաջ՝ պարտության, Եռաբլուրի եռապատկման և բազմաթիվ այլ ողբերգությունների խորհրդանիշ դարձած կերպարը։

Քիչ է մնացել։

Մենք կարող ենք ազատվել և՛ այդ պատկերից, և՛ այդ ծանր հոգեբանական վիճակից»,- այս մասին այսօր՝ հունիսի 2-ին, Նոյեմբերյանում քաղաքացիների հետ հանդիպման ընթացքում հայտարարեց ՀՀ երկրորդ նախագահ, «Հայաստան» դաշինքի առաջնորդ Ռոբերտ Քոչարյանը։

Մանրամասն՝ տեսանյութում։